དམ་པའི་ གསུང་རབ་བི་ ཞལ་ཆད་ སོ་མ།

༄༅༎ ཀུན་དབང་ དཀོན་མཆོག་ བདེན་བ་ གཅིག་ཅིག་གིས་ སལ་མཁན་ནི་ དམ་པའི་ གསུང་རབ་བི་ནང་ང་། ཁོང་ངིས་ འདི་ འཇིག་རྟེན་འཁོར་བ་ གང་པོ་ དང་། མི་ དང་། སེམས་ཅན་བྱ་བྱིའུ་ཀུན་ མཛད་མཁན་ནི་ སྐོར་ལ་ གསིལ་ཅེས་ལ་ ཐོབ་འདུག །ཡང་ སྐྱབས་མགོན་ ཡེ་ཤུའི་ སྐུ་ཚེའི་ ལོ་རྒྱུས་ དང་། ཁོང་ངི་ ཆོས་སི་ བསླབ་བྱ་ དང་ བཀའ་རྒྱ་ཀུན་ དང་། ཁོང་ངི་ ཕྱག་ལས་ དང་ ཧ་ལས་ཤེས་སི་ མཛད་པ་ཀུན་ནི་ སྐོར་ལ་ གསིལ་ཅེས་ལ་ ཐོབ་འདུག །འདི་བོ་ ཞལ་ཆད་ སོ་མ་ ཟེར་མཁན་ནི་ དམ་པའི་ གསུང་རབ་བི་ ཁག་ གཉིས་པའི་ འགོ་མའི་ དཔེ་ཆ་ བཞི་བོའི་ནང་ང་ གསིལ་ཅེས་ལ་ ཐོབ་འདུག །གཞན་ དཔེ་ཆ་ཀུན་ སྐྱབས་མགོན་ ཡེ་ཤུ་ གྲོངས་ཏེ་ནང་ ཡང་ སྐུ་གསོན་ཏེའ་ བཞངས་ཏེ་ ནམ་མཁའཱ་ འཕགས་ཏེ་ རྟིང་ནས་ ཁོང་ངི་ སྐུ་ཚབ་ དང་ གཞན་ ཆོས་བཤད་པ་ཀུན་ནིས་ མ་ཤི་ཀ་པའི་ ཆོས་སི་ བཀའ་རྒྱ་ དང་། བསླབ་བྱ་ དང་། མཐའ་མའི་དུས་སི་ སྐོར་ལ་ ཞིབ་བསལ་ བྲིའ་མཛད་དེ་ ཡིན་ནོག
     ཉེ་རང་ངིས་ དམ་པའི་ གསུང་རབ་ གསིལ་ཟ་ནེ་ དཀོན་མཆོག་གིས་ ཉེ་རང་ང་ བྱིན་རླབས་ སལ་ཤིག